Manuel eta bere ikaskideak aukeratuak izan dira “Olinpiada Berde” direlakoetan parte hartzeko, ingurumenaren iraunkortasuna eta errespetua sustatzea helburutzat hartuta. Kirol ekitaldi entzutetsu horren kariaz, Australiatik Euskadira etorriko dira Manuelen lagunak eta Manuel bera, hemen egingo baitira jokoak. Gure artean diren bitartean, abentura berriak bizi eta lagun zaharrak berriro ikusiko dituzte. Egun gogoangarriak, ezbairik gabe, gure bisitari maitagarri haientzat; ikasi ere franko egingo dute, besteak beste, irabaztea ez dela garrantzitsuena.